tic y Fro Gymraeg

Yr Argyfwng Tai

Yn 2001, dwedodd Cymuned bod argyfwng tai.

  • Ceisiodd gwleidyddion y Blaid Lafur daflu llwch i lygaid pawb. Ond erbyn hyn, mae pawb yn gwybod y gwir:

  • Mae prisiau tai hurt yn lladd ein cymunedau,

  • ac mae datblygwyr barus yn gwneud pres mawr tra bod pobl ifanc yn dioddef.

Mae'n hen bryd newid.

Sut mae newid rhywbeth mor fawr â'r farchnad dai?

Pa mor bwysig ydy eich cymuned i chi?

Gadewch i ni fod yn onest - nid oes modd adeiladu Cymru well heb ymdrech sylweddol. Ond os oes ganddoch chi'r awydd, mae gennon ni'r ffyrdd ymarferol ymlaen all wneud y gwahaniaeth sydd ei angen.

Mae angen i ddau beth newid:

  • Rhaid am shifft gwleidyddol,

  • a rhaid am weithredu'n lleol.
Mae aelodau Cymuned yn helpu gwneud y ddau

Ymddiriedolaethau Tir Cymunedol

Rydym yn medru dangos i chi sut mae gosod a rhedeg Ymddiriedolaeth Tir Cymunedol, lle mae'r gymuned yn cymryd perchnogaeth o'i hadnoddau ei hunan, ac yn eu defnyddio er mwyn codi tai fforddiadwy ar gyfer pobl leol. Mae ymddiriedolaethau tir cymunedol llwyddiannus hefyd yn medru dewis buddsoddi mewn cyfleusterau lleol megis canolfannau hamdden, ac i gefnogi busnesau lleol hen a newydd - maen nhw hefyd yn dod â mwy o benderfyniadau allweddol yn ôl i le dylen nhw fod: yn nwylo'r pobl.

Newid Gwleidyddol

Dydy'r sustem cynllunio presennol ddim yn gweithio. Tynnu llinell rownd cymuned, a gadael i ddatblygwyr godi beth bynnag bydd y farchnad yn caniatau? Os dych chi eisiau cefnogaeth y Llywodraeth i dai fforddiadwy, mae'n rhaid i chi brofi bod yna angen lleol!

Ben i waered ydy hynny. Dylai tai newydd gael eu codi dim ond os ydy pobl leol eu hangen - mae'r Parc Cenedlaethol yn Swydd Efrog wedi gweithio hynny allan, ac mae'n hen bryd i'n cynghorau sir fynd i lawr yr un llwybr.

Sut mae helpu?

Trwy ddod yn aelod Cymuned.

Am bris peint unwaith y mis, cewch helpu ni ymledu'r gair am Ymddiriedolaethau Tir Cymunedol, a chewch helpu ni lobïo Llywodraeth ar gyfer y newidiadau angenrheidiol.

Os ydych yn awyddus i ddod yn rhan o'r gwaith, rydym yn medru rhoi cefnogaeth ymarferol wyneb yn wyneb i godi ymddiriedolaeth tir cymunedol i'ch cymuned chi. Fesul cam, byddwch yn helpu rhoi penderfyniadau lleol yn ôl mewn dwylo lleol.

Cliciwch yma i gychwyn gwneud gwahaniaeth.

tic y Fro Gymraeg

Dim yn siwr eto?
Tanysgrifiwch i'n e-bost wythnosol am ddim er mwyn gweld pa waith rydym yn ei wneud.
Enw cyntaf:
      E-bost:
Byddwn yn defnyddio eich cyfeiriad e-bost er mwyn anfon ein e-bost wythnosol atoch - ni fyddwn BYTH yn ei ddefnyddio at UNRHYW ddiben arall.

Dw i am gyfrannu! (cliciwch yn fan hyn i ymaelodi)

Cymuned, 64 Stryd Fawr, Pwllheli, Gwynedd LL53 5RR -- cymuned[at]cymuned.org -- 01758-612712
www.cymuned.org